منتديات الأرطاوية
عدد الضغطات : 4,377عدد الضغطات : 3,405عدد الضغطات : 3,785
عدد الضغطات : 5,217
عدد الضغطات : 0
عدد الضغطات : 3,087
لطلب الاعلان التواصل مع الفوزان للحاسب الآلي البريد الالكتروني : al-fowzan1@hotmail.com / هاتف : 064422246,

العودة   شبكة ملتقى الغاط > ملتقى الغاط > الملتقى العام > الملتقى الأدبي > ديوان شعراء ملتقى الغاط

انسخ الرابط المختصر لهذا الموضوع :
 
 
LinkBack أدوات الموضوع انواع عرض الموضوع
قديم [ كُتبت : 2009-05-27 - 12:44 PM ]   رقم المشاركة : 1

شاعر و مشرف سابق



رقم العضوية : 345
المشاركات : 2,800
شكراً : 0
تم شكره : 0 مرة في 0 مشاركة

شمال سدير غير متصل


ديوان الشاعر ][ .. قـاف القصيـد .. ][

..
..

قصيدة موجهه لـ القديران عبدالعزيز الصعب وَ سمير الحمدان


الله من عين بكت مابها نعاس
تشوف شعر اليوم فيه التماسي


كل على ليلاه غنى ولاباس
وانا عاى طاروق شعري مأسي


كل يجيب من القوافي ومنحاس
ويقول بيت الشعر عندي اساسي


ويقول حبي ساكن وسط مكناس
والحب الاخر عايش يم فاسي


بيوت شعر ياعرب مالها أجناس
مكسره والقاف فيه احتباسي


تكفون ياللي بالمعاني لكم ساس
ردو لعيني موقها والنعاسي


سمير قرم وفي معانيه ماحاس
يجيب بيت الشعر وزن ومقاسي


وعبدالعزيز اللي معانيه مقباس
ومنقوده الشعري يجيه متواسي


انا بديت القاف مني على اس
والشطر الاخر من مبانيه اسي


وختامها مني سلام من الراس
للملتقى اللي فيه ربعي وناسي



ملاحظة : ( مكناس وفاس )من مدن المملكة المغربية الشقيقة

 
قديم [ كُتبت : 2009-05-27 - 12:45 PM ]   رقم المشاركة : 2

شاعر و مشرف سابق



رقم العضوية : 345
المشاركات : 2,800
شكراً : 0
تم شكره : 0 مرة في 0 مشاركة

شمال سدير غير متصل


رد: ديوان الشاعر ][ .. قـاف القصيـد .. ][

بسم الله الرحمن الرحيم
اخواني الاعزاء اولا اهني الشاعرين سلطان اليحيا وسلطان العضيدان بمناسبة فوزهما بمسابقة


صوت المشاعر في ضيافة صورة واعجبتني قصيدة الشاعر عبدالعزيز الصعب والتي ضمنها ابيات


غزلية راقت لي فقلت هذه الابيات واللتي آمل ان تنال الاستحسان منكم ومن شاعرنا الفذ عبدالعزيز الصعب




صوت المشاعر جاب علم بمعيار
فالملتقى جتنا النتيجة تمامي



سلطان مع سلطان صاغه بالاشعار
هادين لاعجلين والقاف حامي



مشكور من صاغ المثايل على أر
والشطر الاخر راحبه يم آمي



ابن صعب صاغ المثايل والاشعار
ويجيد فن الشعر حر قطامي



نرفع له البيضاء على راس سنجار
حيث ان شعره دايم الدوم سامي



هيضتني بالقاف ياواف الاشبار
وذكرتني بالزين مرخي اللثامي



أخذت لي بالحب مارد ومصدار
وخطر على قلبي يجيه السقامي



يابن صعب تشكي وانا اشكي بماصار
قلبي تولع بالهوى ثم هامي



انا حبيبي بشبه لظبي الاقفار
واليا حضر يشبه لبرق الظلامي



اودع معاليق الضماير بها نار
و ارد على حبه ورود الضوامي



من قبلنا عنتر وسيد هالدار
يوم ان لمعة ثغرها كالحسامي



وانا معك ياصاح وادوس الاخطار
ياللي نخيت ونخوتك ماتضامي



ان كان عشقك من هلا الدار ياجار
نجيب لك علم وكاد تمامي



وان كان عشقك من ورا القفر وديار
ابشر بوقفه ماتباع وتسامي



والله يقبل دعوتي وسط الاسحار
ويعودلاجلك تهتني بالمنامي

 
قديم [ كُتبت : 2009-05-27 - 12:48 PM ]   رقم المشاركة : 3

شاعر و مشرف سابق



رقم العضوية : 345
المشاركات : 2,800
شكراً : 0
تم شكره : 0 مرة في 0 مشاركة

شمال سدير غير متصل


رد: ديوان الشاعر ][ .. قـاف القصيـد .. ][

..
..

قصيده بعنوان ( ولا ناب أنا محسن ولا سالم الزير )


أنا بديت الحب ولاارجي بدالك
وياما كتبت وقلت سيد الغنادير


يالي شريت القلب مني لحالك
مابيع انا حبك بحفنة دنانير


اهيم في حبك واضيع بجمالك
وياما تخيلتك وجن التفاكير


انا يازين اليوم ارجي وصالك
متى تجيني يا اريش العين بالخير


اشتاق لجلك واتغنى بدلالك
حبك على بالي ورود ومصادير


يا معرب الجدين عمك وخالك
لاوصلت القاله تضيع التعابير


واركي على الطاروق لاجا مجالك
ومن لامني بالحب جعله لتعزير


تراي انا شاعر وشعري صفالك
ولاناب انا محسن ولا سالم الزير


اقول ياحبي عسى الرشد فالك
يلي حكمت وصار حكمك بتقدير

 
قديم [ كُتبت : 2009-05-27 - 12:51 PM ]   رقم المشاركة : 4

شاعر و مشرف سابق



رقم العضوية : 345
المشاركات : 2,800
شكراً : 0
تم شكره : 0 مرة في 0 مشاركة

شمال سدير غير متصل


رد: ديوان الشاعر ][ .. قـاف القصيـد .. ][

قصيده موجهه للشاعرين القديرين
عبدالعزيز بن عبدالرحمن الصعب و سمير الحمدان العضيدان 0
اقول فيها


بديت باسم الله عالم يقينا
الواحد المعبود محصي عبيده

وبعده نخيت القاف للغانمينا
اهل البيوت الطيبه والسديده

يابن صعب جتنا القوافي وجينا
حيثك خبير القاف تعرف جديده

وايضا شمال سدير شعره يبينا
ينظم لنا قاف عسير يجيده

حنا نتحرى قافكم ما ارتوينا
ومن شعركم جتنا القصايد فريده

انتم كما برق بنوره مشينا
يسري به الساري بدار بعيده

وقاف القصيد اليوم جر الآ نينا
يشكي عليكم والقصايد عنيده

ابث انا الشكوى بقاف حزينا
قاف جديد معتني في نضيده

لاشك حالي غادين فيه سينا
ودي عاى قافي تغنى نشيده

اشكي انا حب بقلبي دفينا
والقلب يرجف رجفته بتهديده

لاشفته اقبل زاد في الحنينا
ولاشفته ابعد حالتي في نكيده

اقول له من حبكم مكتوينا
لانافع كاوي بيدينه حديده

حبه سكن في مهجتي من سنينا
وافرد على شانه بيوت عديده

امشي انا بدربه شمال ويمينا
حاله زهيده من عيون الحسيده

يقول شف حالي من الحاقدينا
وابث لك حالي بشكوى شديده

ليت العرب عن حبنا دالهينا
ماهوب باحث في حبيبي يكيده

وماقدر ازيد وفالعرب عاذلينا
واقول يا خلي حياتك سعيده

ونصيت انا الشعار والله يعينا
كل يجي قافه على ما يريده

 
قديم [ كُتبت : 2009-05-27 - 12:52 PM ]   رقم المشاركة : 5

شاعر و مشرف سابق



رقم العضوية : 345
المشاركات : 2,800
شكراً : 0
تم شكره : 0 مرة في 0 مشاركة

شمال سدير غير متصل


رد: ديوان الشاعر ][ .. قـاف القصيـد .. ][


قصيدة بـ عنوان ( لافلّت الجادل وريح العطر طاب )



ياناس حالي ناقصه من سهرها
................جسمي نحل ومحير كل الاطباب



خلي على حالي خبير وسبرها
................واصبحت سهم السوق ضايع ومنصاب



عيني على حبه تزايد مطرها
................واليا امر خلي لقاني عاى الباب



لاسلهمت عينه بعيني نظرها
................اقول اقبل سيدي سيد الاحباب



لاشافت الخفرات حسنه بهرها
................وحسنك على نفسي مثبت بالاطناب



معسول منطوقك وعلمك اسرها
................وموثق اسرك لقلبي بالاقطاب



نفسه عزيزه دايم ما عسرها
................يمشي بأوامر حبه اليوم ماخاب



لازارني جاب المحبه ونثرها
................قمت اتطلع في عيونه والاهداب



ياليتني شميت ريحة شعرها
................لافلت الجادل وريح العطر طاب



دايم على حالي كريم وجبرها
................عسى حياته دالهه مابها انشاب



ومن لايقيس الخطوة اللي شبرها
................غصب على حاله يجي فيه الاعطاب

 
قديم [ كُتبت : 2009-05-27 - 12:53 PM ]   رقم المشاركة : 6

شاعر و مشرف سابق



رقم العضوية : 345
المشاركات : 2,800
شكراً : 0
تم شكره : 0 مرة في 0 مشاركة

شمال سدير غير متصل


رد: ديوان الشاعر ][ .. قـاف القصيـد .. ][


رد على قصيدة الاخ الشاعر العزيز/عبدالعزيز بن عبدالرحمن الصعب

بعنوان ( يامغيّر السرعه من الكيل للميل )


قاف القصيد اليوم جر المواويل
..................بالشعر والطاروق معكم تغنا


يا مرحبا بالقيل واللي بدع قيل
..................عبد العزيز اللي بيوته علنا


هذا الزمان اللي كثير البهاذيل
..................دايم على وضعك خبير وتجنا


يامغير السرعه من الكيل للميل
..................اثبت على الخطوه وبالك يدنا


انا رأيت مع الجدي سكة سهيل
..................وارفق على الموضوع في سرهنا


خل السفن من فوقهن ادلج الليل
..................والشعر للشعار لا لا تعنا


قلبي مع النهرين ومرساه بالنيل
..................وافهم سمير القرم وشلون غنا


واليا حصل مدهال ناس مشاكيل
..................حنا ننوخ يالسنافي ضعنا


انته بدعت القاف زين التماثيل
..................وادعيتها منا ومنا ومنا


شفنا العنا من وقتنا والغرابيل
..................وياليت منه في حياته تهنا


اسبر زمانك يالسنافي بدربيل
..................وحذراك غدر الوقت لامن تجنا


بلغ سلامي للرجال الحلاحيل
..................اللي لهم بالقاف حنن و رنا


اضحى سمير اليوم رمز لها الجيل
..................والا الهواوي واضح فيه فنا


بلغ سعد مني التحيه يتعليل
..................وادعي عسى ناصر جروحه شفنا


وادعي عسى الباطن معه يعبر السيل
..................ويسقي الفياض وما بقى من وطنا


اسمي على دفتر حضورك بتسجيل
..................قاف القصيد اليوم لاما تونا

 
قديم [ كُتبت : 2009-05-27 - 12:57 PM ]   رقم المشاركة : 7

شاعر و مشرف سابق



رقم العضوية : 345
المشاركات : 2,800
شكراً : 0
تم شكره : 0 مرة في 0 مشاركة

شمال سدير غير متصل


رد: ديوان الشاعر ][ .. قـاف القصيـد .. ][

..
..

قصيــدة ( الغــاط )





حنا لنا رسم رأيناه بالعين
خشم العراني معتلي في سماها



لاشافه المظهود يامن من الشين
ما ياصله ضيم وهو في حماها



قد قاله حميدان عندي براهين
في مجلدات الكتب كل قراها



الغاط في قلبي عروق وشرايين
هي لوعت المشتاق لاجا ضماها



في ريشة الفنان رسمت عناوين
الغاط في البلدان نجمه علاها



هي الحضارة في جميع الميادين
وفيها الرجال اللي بعيد مداها



ومع التراث اليوم قامو وعجلين
وبنو تراث الامس وماضي عناها



واصبح لنا محبوب وحنا المحبين
نذكر عبق ماض الزمان وشذاها



الله يلوم اللي يلوم البعيدين
من حبهم للغاط وشمة هواها



دايم على بالي وفكري يسلين
يالغاط من مثلك بحالي حواها



انتي لنا ماكر حرار وشياهين
وحنا حرار الكون نمشي برضاها



وختامها صلوا على مبلغ الدين
اعداد رمل الكون واعداد ماها


 
 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 11:54 PM.

ملتقى الغاط

↑ Grab this Headline Animator

خــريــطــة: الــمــوقــع



جميع وجهات النظر المطروحة في ملتقى الغاط لا تمثل الا اصحابها