منتديات الأرطاوية
عدد الضغطات : 4,433عدد الضغطات : 3,459عدد الضغطات : 3,826
عدد الضغطات : 5,284
عدد الضغطات : 0
عدد الضغطات : 3,485
لطلب الاعلان التواصل مع الفوزان للحاسب الآلي البريد الالكتروني : al-fowzan1@hotmail.com / هاتف : 064422246,

العودة   شبكة ملتقى الغاط > ملتقى الغاط > الملتقى العام > الملتقى الأدبي > ديوان شعراء ملتقى الغاط

انسخ الرابط المختصر لهذا الموضوع :
 
 
LinkBack أدوات الموضوع انواع عرض الموضوع
قديم [ كُتبت : 2009-03-14 - 01:05 PM ]   رقم المشاركة : 21

مشرف سابق



رقم العضوية : 796
المشاركات : 1,841
شكراً : 0
تم شكره : 0 مرة في 0 مشاركة

الـــهـــواوي غير متصل


رد: ديـوان الشـاعر ][ عبدالعزيز بن عبدالرحمن الصعب ][



قصيده الشاعر / عبدالعزيز بن عبدالرحمن الصعب موجهه إلى / سمير بن أحمد الحمدان العضيدان

سمير شاعرنا ولا احدن يطوله

فوق الجبل في طلعة الغاط مكتوب

الشكر والتقدير ياابن الحموله


انت الذي بالغاط غالي ومحبوب

الشـــعر عندك ماتغيــر اصـــوله


يوم الشعر عند اكثر الناس مسلوب

كوّنت في نظــــم التماثيل دولــــــــه


وشعرن نظمته ياابن لاجواد محسوب



ثم أردفها بمجاراة للشاعر / سمير الحمدان العضيدان



اهلا بمن صاغ المثايل على الزّم

شاعر على نظمه وطرقه طرقناه

حكّم نياشين المعاني عن الزّم


زمّة لحون الشعر ماهي مزاياه

لجله عسيرات القوافي تخزّم


وخزامها من راس فكره ومبداه

واغلق صناديقه عليها وحزّم


مفتاح هاجوسه على كف يمناه

وناخذ على رايه وفيه انتلزّم


ونصعد على سلم بنوده ونرقاه

وحنا معه مادام عزّم وجزّم


سمير لو يامر على الروح تفداه

 
قديم [ كُتبت : 2009-03-14 - 01:10 PM ]   رقم المشاركة : 22

مشرف سابق



رقم العضوية : 796
المشاركات : 1,841
شكراً : 0
تم شكره : 0 مرة في 0 مشاركة

الـــهـــواوي غير متصل


رد: ديـوان الشـاعر ][ عبدالعزيز بن عبدالرحمن الصعب ][



قصيده الشاعر / عبدالعزيز بن عبدالرحمن الصعب موجهه إلى / نادي النصر السعودي


منهو اللي تاج راسي بالنوادي
تاج راسي نادي النصر السعودي

ناد(ين) لامن لعب ماهوب عادي
فيه شجعان العرب عنّه تذودي

ماهو مثل الانديه دايم يصادي
ثابتن للخصم دايم في صمودي

ودون خصمه واقفن له بالعنادي
صح من قال الشبل ذخر الاسودي

كل لاعب ماكره ماكر هدادي
باذلين الجهد من شان الصعودي

بصمته بالعالميه له وكادي
وثّقوها بالملاعب والبنودي

والله ان الله اشا له ثم ارادي
ان يشيل الكاس ويذل اليهودي

الليال البيض خلوها سوادي
فوق راس الخصم والعالم شهودي

كم رئيس وكم حاكم له اشادي
مثل حكام البلاد ( آل) السعودي

وعشق جمهوره عليه اليوم زادي
عند ناديهم صوادير أــورودي

النصر حبه سطى داخل فؤادي
ومال حبه في معاليقي حدودي

 
قديم [ كُتبت : 2009-03-14 - 01:13 PM ]   رقم المشاركة : 23

مشرف سابق



رقم العضوية : 796
المشاركات : 1,841
شكراً : 0
تم شكره : 0 مرة في 0 مشاركة

الـــهـــواوي غير متصل


رد: ديـوان الشـاعر ][ عبدالعزيز بن عبدالرحمن الصعب ][

قصيده الشاعر / عبدالعزيز بن عبدالرحمن الصعب


كل مابالغاط من حرمه كبيره
معتبرها من خواتي وامهاتي

وكل ما بالغاط من بنتن صغيره
معتبرها ضمن وحده من بناتي

لايطيح شداد حملك عن بعيره
ولاتجيني بالعلوم الهافياتي

انت ماتسوى ولاحبة شعيره
ما ورى وجهن مثل وجهك غناتي

ياقليل العرف ماعندك بصيره
كيف تقذف مسلماتن غافلاتي

ماعلينا منك ياكلب الحظيره
كلب ينبح طول ليله مايباتي

لعنبوكم ماتردون المغيره
ماسترت بيوت اهلك العارياتي

كلمتك ياراعي(؟؟؟)خطيره
ابشر بعزك وطيب المخزياتي

 
قديم [ كُتبت : 2009-03-14 - 01:18 PM ]   رقم المشاركة : 24

مشرف سابق



رقم العضوية : 796
المشاركات : 1,841
شكراً : 0
تم شكره : 0 مرة في 0 مشاركة

الـــهـــواوي غير متصل


رد: ديـوان الشـاعر ][ عبدالعزيز بن عبدالرحمن الصعب ][

قصيده الشاعر / عبدالعزيز بن عبدالرحمن الصعب مجاراة لقصيدة الشاعر تركي الجساس (في نادي الهلال السعودي)




ياتركي الجساس يابن الحموله
هيضتني يابن الرجال الشجيعين


ناديك مايجهلك شكله وزوله
معروف تاريخه منوّل وهالحين

مافيه غيره يرتكي للحموله
ياكثره ماله فالجزيره محبين

دونه ومن خلفه وعنده وحوله
روس الرجال معدلين الموازين

نادي كبير ولاطلع بالسهوله
دك الملاعب مثل دك البراكين

كل النوادي بالفعل حسبوله
بصمت شعاره في جميع البلادين

نادي عريق من الاصايل خيوله
تمخطري له يالبنات المزايين

مالوم جمهوره ليا صفقواله
مادام له فالعالميه عناوين

محدن يطوله صح محدن يطوله
اللي نقوله عندنا له براهين

 
قديم [ كُتبت : 2009-03-14 - 01:24 PM ]   رقم المشاركة : 25

مشرف سابق



رقم العضوية : 796
المشاركات : 1,841
شكراً : 0
تم شكره : 0 مرة في 0 مشاركة

الـــهـــواوي غير متصل


رد: ديـوان الشـاعر ][ عبدالعزيز بن عبدالرحمن الصعب ][

قصيده الشاعر / عبدالعزيز بن عبدالرحمن الصعب بعنوان ( الشات والشاة)


اشوف الناس حول الشات تطرد ودّها بالشاة
وهي بالشات مثل( الشاة )ماتعرف باساميها

تدورها وهي بالشات (شاة) ويالله المشكات
وكم واحد تحصل علقتن ماهوب ناسيها

نتايجها وخيمه والنهايه هرجة الشمات
قضيه والقضيه ماعرفنا من يقاضيها

وكم واحد دخل بالشات وصار مضيع المكشات
وصارة قصته قصه طويله صعب يرويها

قطعهم لعنبوا داره عن الروحات والجيات
ولا ياكثر ناس بسبته قصرت خطاويها

وهذا داخل وطالع وهذ بأغلب الحزات
وهذي نوب(.......)وهذي نوب(...........)

وشباب اليوم راحوا كلهم في حسبة الاموات
ولا ياكبرها حتى الفرايض ماتصليها

بدايتها غرام وبالنهايه تنقلب هوشات
وكلن يشتم الثاني ليا بانت خوافيها

عقول الناس مختله وجاها من السهر وشات
وهذا آخر زمن والنار تاكل رجل واطيها

عسى الله مايبارك فيك ياللي صانع النتّات
بليت الناس ياوجه المصايب في بلاويها

وانا ماقول غير الله هو اللي يصلح النيّات
وناس(ن)مثل ذولا ياولي العرش تهديها

 
قديم [ كُتبت : 2009-03-15 - 05:23 PM ]   رقم المشاركة : 26

مشرف سابق



رقم العضوية : 796
المشاركات : 1,841
شكراً : 0
تم شكره : 0 مرة في 0 مشاركة

الـــهـــواوي غير متصل


رد: ديـوان الشـاعر ][ عبدالعزيز بن عبدالرحمن الصعب ][

قصيده الشاعر / عبدالعزيز بن عبدالرحمن الصعب بعنوان / فاتح(ن) عوج المحاديب المحاني

ماكــــل شين يذكـــــرونه حقيــقه....ولاكل حجّه مثبته في سنــــدها


كم نفس عاشت في هواها غريقه....ما حسّبت لفعالها وش بعــــدها


ودرب الهوى مادلّ والله طريقه....هي كلمتي واقولها واعتمـــدها



؟؟؟؟
فاتح(ن)عوج المحاديب المحاني
اقلطي فالك قدوع وشــــــاذليّه

كيفها من صافي البن اليمـــــاني
اشربي! فنجــــالها راحــــة يديّـه

مرحبابك يـــوم شرفتي مكــــــاني
لك محـــل ولك مقام ومقدريـــّه

كامل(ن) بالزين ياسهيل اليماني
ليه تجفـــاني ونـــا نفسي طريـــــّه

جل من سواك يـــازين الثمــــاني
ماش مثلك يالهنوف العــســـوجيّه

جيت لك مكسور خاطر في ثواني
واعتبرتيها علــــي اكبر خطيـــــّه

غلطة الشاطر عشر ماهي ثماني
ولا حسبنــــاها عليــــكم يابنيـّه

الله اللي من محبتكم عطـــــاني
ليـــــه ماترضين في يالادميــــّه

لعنبو حض(ن)عرفته بك رماني
فارقي مامن وراك الا الاذيــــّه

كيف ابذكر واحد(ن)مثلك نساني
من نساني؟عاد ليـلــى العامــــريّه

لاجمال ولا دلال ولاحنــــــاني
(تو)مابانت علومك يالرديـــــّه

الرجاجيل الشريفه ماتهــــــاني
لو تقص ارقــــابها يالمودميّه

والله انه حان وقت السب حاني
وساعة الصفر ابتدت يالعاذريّه

خاينه ومنافقه مالك امـــــاني
في دروب البزوطه منتي صريّه

مافلحتــي فالنـــهايه بامتحـــاني
ولافلــــحتي بالدروس الاوليّـــه

والنتيـــجه بس كلّمه من لســــاني
مقتبسها من حروف الابجديـــّه

لو ابذكرها ترى ماهوب شـــاني
تصبح الدعوى على راسك قضيّه

البري دايم بري ماهوب جــــاني
وانت جاني في ضحى عيد الضحيّه

صاحب الدعوى لزوم انه يعاني
لو تناســـاها تذكرها عشــــــيّه

تكشف الاسرار دورات الزماني
والحقيقه واضحه ماهي خفـيـــّه

مانجازي من هجرنا بالحساني
ولانجازي صاحب السيّه بسيّه

اطمأني دام لك عندي ضماني
اتركي موضوع دعـــوانا عليّــــه

 
قديم [ كُتبت : 2009-04-09 - 10:17 AM ]   رقم المشاركة : 27

شاعر و مشرف سابق



رقم العضوية : 345
المشاركات : 2,800
شكراً : 0
تم شكره : 0 مرة في 0 مشاركة

شمال سدير غير متصل


رد: ديـوان الشـاعر ][ عبدالعزيز بن عبدالرحمن الصعب ][

قصيده مهداه الى سمو الامير/ زياد بن عبدالرحمن الاحمد السديري


وهي رد على قصيده سبق وان اهداها الى خالي الفاضل/ احمد فهد اليحيى


سلام ياميـــــــر الوفـــــا والمـــــروات


ســــلام(ن) احلى مـــن حليـــب المباكيـــــر
.....
حر(ن) مـــواكيره بـــروس الطـــويـــــلات


كريــــم سبـــلا مـــــاحسب للمخــــاسيــــر
.....
مــــــدّات جـــوده من يمينـــه جزيـــلات


ساس الكرم وجه السّعد منبع الخيــــر
.....
كم مرتن عشى السبـــاع المجيعــــــات


فارس ومن فرسان نجـــد المشـــاهيـــر
.....
احدّ من حدّ السيــــوف الصقيــــــــــــلات


اللي شهر من روس قوم(ن) مناعيــر
.....
وقمّت اتغنّى بالمثــايل والابيـــــــــــــــات


من قطف زينات البيوت المزاهيــــــــــر
.....
لك يالسديري ياحكيم السيـــــــاسات


نســـــل السدارى مكرمين المساييــــر
.....
فرسان يالاحمد وشجعان وحمـــــــــات


فوق العدى مثل السباع المساعيــــر
.....
وانتــــــــم لنـــــــا مثل الحصون المنيعات


لثااارت الهيـــــجاء حـــرارن نواديـــر
.....
والغاط غنّــــى باللحــــون الجميــــلات


يجاوب الورقى على الطّار والزيـــــــــــــر
.....
كلّــــه على شـــانك ســـجع بالمنيفــــات


وطــويــــق من شانك يــــزفّ التباشيـــر
.....
وناس(ن) تحبك حبــــّها حـــيّ مامـات


مادام لك بالغاط ناس وجماهيـــــــــــر
.....
وانتم لكم في عالي المجد رايــــــــات


اولاد زايــــــــــــد مكرميــــن الخطــــاطيـــــــــــر
.....
ريــــــــف اليتامى والعذارى العفيفــــــــات


اهل الكــرم واهــل الدلال المبــــــــــاهير
.....
وانتـــــــم خـــــوال مطـــــوّعين الصعيبــــــات


نســــــل الملوك آل السعـــــــود المغــــــــــــاوير
.....
خــــــــوال ابوتركـــــــــــي مهيـب الحكومـــات


عبدالعــــــــزيــــز مسطر المجد تسطيــــــــر
.....
ذلـــــّت لســـــــطواتــــــــــــه جميــــع الخواجات


وفـــــوق العجم سلّ السيوف البواتيـــر
.....
واسّس لنـــــا دولــــه وصدّر قــــــــرارات


وحمـــــى حدوده عن جميــــع العواثيــــــر
.....
حقـايق التـــــــــاريخ مــــــاهي دعايــــــات


تخـــون في مدحه جميــــــــــع التعابـــيــر
.....
وانتـــــم كــــما الحـــــكام ( يازيـــاد) ساســات


كسّــــــــــــــابة الطـــّالـــه بكـــــل المعايـــيـــــر
.....
وفي مجلس الشـــورى لكم صرح واثبـــــــات


من فكركم ( يازياد) حسن وتباصيـــــــــــر
.....
ياجعـــل من جــــابك لروضــــــه وجنــــــات


وينـــثــــر علـــــى قبـــره ورود ونـــــــواويــــر
.....
ومـــــادام لك بالدرب روحــــه وجيــــــــــات


رفيـــــق دربـــك مايجيــــب المــعــــــاذيــــــر
.....
ابــــــو(فهد) تلـــقـــــاه في كــــل حــــــزات


مـــاهــــو محسب للعنــــّا والمشاويـــــــر
.....
شيخن يقلّط للضيــــــــوف السميــــــــــــــات


عمـــــــود بيـــــــتن مــــــــاتهزّه معـــاصيـــــــــر
.....
ولك بــــالشعـــــر يازيـــــاد صـــولـــه وجــــولات


سقت المثـــــــــايل من حسيــــــــن التفاكيــر
.....
ابيـــــــــــــات عـــدلاتن قويــــات جـــــــزلات


تســـــــــــوقــها ســــــوق المزون المزابـــيـــر
.....
ماســــــــــــاومــــــوها كاسبيـــــن الجنيـــــــهات


فـــــــاقت جمـــــــال المتـــــــرفـــات الغناديــــــــــر
.....
متــــــــــــــغنجات(ن) كلبــــــوهن جميــــــــــــــــلات


البـــــــــــــستـــــــــهن تـــاج الذهب والاساويـــر
.....
واخذت لك مــــع خــــايع الفــــكر سجــــــــات


تجــــــــــــــــيبها مع نوضة الطير يــــــاميــــــــر
.....
هذى قصيده قلتــــــــــها فيـــــك بالـــــذّات


من يوم مــــــــاخصـــــــــيت خــــــــالي عن الغير
.....
وتـــــــــقبلــــــــــــوا منّي جــــــــــــزيل التحيــــات


ياميــــر يانسل الســــدارى المنــــاعيـــــــــــــر

 
قديم [ كُتبت : 2009-04-09 - 10:21 AM ]   رقم المشاركة : 28

شاعر و مشرف سابق



رقم العضوية : 345
المشاركات : 2,800
شكراً : 0
تم شكره : 0 مرة في 0 مشاركة

شمال سدير غير متصل


رد: ديـوان الشـاعر ][ عبدالعزيز بن عبدالرحمن الصعب ][

..
..

قصيدة بـ عنوآن ( القلب الجريح )



من يداوي علّة القلب الجريح


له ثلاث شهور يشكي من عناه
......................................
من يجيني في علاجه واستريح


الحقوا قدام ياصل منتهــــــاه
.......................................
حافضن سرّه وعيّا لايبيح

اتوجّد لـــه ولابيــــن خفــــاه
.......................................
راعي الحب الشقي دايم طريح




وان تعثر في طريقه من رداه
......................................
ليه ماتصبح معي دايم صريح

صاحبك ياقلب ماتلحق جزاه
....................................
ماتجيني لو بشي من الصحيح

تبري العلّه ونطمح في رجاه
...................................
قال انا مجروح من هاكالمليح

جرح ماتقدر ولاتلّقى دواه
...................................
جيت لمّك ناثر الدمعه واصيح

وانت ماجاوبتني باللي رماه
.....................................
ابشر بعزّك ولا والله تطيح

لو تبي نجم الجدي واللي وراه
....................................
زاهي الخدين من طبعه شحيح

مايبادلك المحبّه من دهــــــاه
....................................
ولاتميّز بين جدّه والمزيح

لعنبوها ساعة(ن)نطلب رضاه
......................................
ارجهن وصدّ عن ذاك البجيح

كامل الاوصاف توّه في صباه
....................................
خل ميدان الهوى دايم فسيح

عندنا لك مثل هذا وفي حلاه
.................................
ناصع الخدين يالقلب الجريح

حب هذا واجب(ن)مثل الصلاه


 
قديم [ كُتبت : 2009-04-09 - 10:24 AM ]   رقم المشاركة : 29

شاعر و مشرف سابق



رقم العضوية : 345
المشاركات : 2,800
شكراً : 0
تم شكره : 0 مرة في 0 مشاركة

شمال سدير غير متصل


رد: ديـوان الشـاعر ][ عبدالعزيز بن عبدالرحمن الصعب ][

..
..

هذي قصيده موجهه للأخ/ حسين عبدالله الحسين


ياحسن قلبي زاد فيه اشتياقه

لمخيضرن من فوق برزه مكانه
................................
عليه قلبي زاد فيه احتراقه

ومالوم قلبي لو تعذب عشانه
............................
فيه السعاده والونس والرواقه

يفوح لاهب الهوى قحويانه
................................
صارت معاليق الحنايا دقاقه

وقلبي وراهن مالقاله حصانه
..............................
يفز فزات السجين بحماقه

فزت سجينن ينتضر للادانه
.............................
اثر الهوى والحب مرن مذاقه

قاسي ودايم زايدن باعصيانه
.............................
يالله عسى نون صدوقن حقاقه

ينثر هماليله على شان شانه
..............................
ذاك الذي عذب حياتي فراقه

طالت به المدّه وولى زمانه
...............................
ياليت خدي ماسلم من طراقه

ان كان اخذت من المحبه حنانه
.............................
عذروبها ملح السوالف رقاقه

والاتغنّج بالكلام برزانه
............................
قلّي من اللي يجبر الحب ساقه

وقلي من اللي مايصون الامانه
................................
وهذي قصيدة حب مني وباقه

لو ان مابيني وبينك ميانه
...............................

 
قديم [ كُتبت : 2009-04-09 - 10:27 AM ]   رقم المشاركة : 30

شاعر و مشرف سابق



رقم العضوية : 345
المشاركات : 2,800
شكراً : 0
تم شكره : 0 مرة في 0 مشاركة

شمال سدير غير متصل


رد: ديـوان الشـاعر ][ عبدالعزيز بن عبدالرحمن الصعب ][

..
..


قصيده بـ عنوان ( ولّ ياليل )



انت ياليل فيك من العجايب والغرايب (ولّ) ياليل
لاتلوم السهير المستلجّي ما يسجّي لين يقبل مساك

...........................................
القمر فيك عنّي لايغيبي ياحبيبي لاترد العليل
جاوب اللي همومه عذبنّه واجهدنّه وانت رايح وراك
...........................................
فيك شاف الوناسه والسعاده واهجاده من دموعن تسيل
كل نجمه ياسامرني سناها في سماهايوم ذعذع هواك
............................................
ليه تسري مادام الوقت بدري وانت تدري مابقى الاقليل
انت ياليل عطّبت الجروحي لاتروحي جارني في خلاك
...........................................
لو سلطان ابن راشد قبالي طاب فالي هو ملاذ الدخيل
ذاك سلطان محمود الخصايل والفعايل ما يخيب رجاك
..........................................
صاحبي صاحب الكف النديه مع خويه شخص ماله مثيل
ساطين عازم وصارم وجازم لن فديته فداك
..............................................
ما لقينا لكم وصف وحلايا ياغلايا كاسبن للجميل
عشت ياالحر الاشقر يالنداوي وش يساوي في ضميري غلاك
...............................................
اعتبر بدر ياسلطان امانه في زمانه لايهس ويميل
لاتخليه بالدنيا لحاله انت بعدي راس ماله سدّد الله خطاك
.................................................
طالبك لاتغر من الوصيه قلتها قبل المنيه جعل عمرك طويل
افتخر فيك من بد القرايب يوم حزات النوايب عزّ منه نصاك
..................................................

 
 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
تغطية زيارة امير منطقة الرياض صاحب السمو الملكي الامير خالد بن بندر بن عبدالعزيز أيمن العامر ملتقى الغاط 3 2013-05-06 01:45 PM
مجلس الشورى وصوت الشعب just a person إثراء الفكر للحوار الهادف 4 2013-04-09 06:51 AM
تقديم دفعة قروض جديدة من الصندوق العقاري أخبار الصحافة أخبار أهالي الغاط 3 2012-09-17 12:27 AM
صورة نادرة لـ ( آل سعود ) ..! محمد الحصين حول العالم 0 2012-07-25 10:51 PM


الساعة الآن 06:36 AM.

ملتقى الغاط

↑ Grab this Headline Animator

خــريــطــة: الــمــوقــع



جميع وجهات النظر المطروحة في ملتقى الغاط لا تمثل الا اصحابها