منتديات الأرطاوية
عدد الضغطات : 4,395عدد الضغطات : 3,420عدد الضغطات : 3,797
عدد الضغطات : 5,232
عدد الضغطات : 0
عدد الضغطات : 3,113
لطلب الاعلان التواصل مع الفوزان للحاسب الآلي البريد الالكتروني : al-fowzan1@hotmail.com / هاتف : 064422246,

العودة   شبكة ملتقى الغاط > ملتقى الغاط > الملتقى العام > الملتقى الأدبي > ديوان شعراء ملتقى الغاط

انسخ الرابط المختصر لهذا الموضوع :
 
 
LinkBack أدوات الموضوع انواع عرض الموضوع
قديم [ كُتبت : 2009-01-25 - 12:27 PM ]   رقم المشاركة : 11

شاعر و مشرف سابق



رقم العضوية : 345
المشاركات : 2,800
شكراً : 0
تم شكره : 0 مرة في 0 مشاركة

شمال سدير غير متصل


رد: ديـوان الشـاعر ][ عبدالعزيز بن عبدالرحمن الصعب ][

..
..

وهذه قصيده مجاراه لقصيدة زيد الفايز وعبدالرحمن الخميس

وسليمان الخميس من شعراء الزلفي وتعتبر هذي المجاراه الرابعه لـ الشاعر / عبدالعزيز الصعب



عسى برق(ن) ينوض يدق سيله فوق ضلع طويق

سحاب(ن )حاط برقه شاط فوق الغاط هتانه


نثر وبله على روس الخشوم وغرقه تغريق

بعد ماهل وامطر وانحدر مع كل وديانه


ونا شفي على شفّة هنوف(ن )تذبح العشًيّق

هنوف(ن) لاف قلبي لوف وسط الجوف مسكانه



الامنه مشى ترف الحشا عني يزول الضيق

على طرق الهوى قلبي هوى من طرق سيقانه



يحوس الفكر حوس من اللّبوس اللي عليه تضيق

كفاه الشر ابو خمسة عشر من شر شيطانه


فلج وابلج من المبسم ثمان من الرهاف تويق

عليه الله وبسم الله جمال وحسن فتانه


اضن اللي منعها ماشرعها بساحة التسويق

جمال(ن) فاق والعشاق ماتقدر على اثمانه


هذاك اللي عيونه ناجله يحتاج له تروبق

ابملى ناضري لومابري جرحي على شانه


رسى وارسى على مرسى الخفوق وفتقه تفتيق
بسحر من الجمال اليوسفي واختل ميزانه


وعلم زيد ياسليمان قبل دحيم بالتدقيق

نجاري شاعرن مانختلف في نضم قيفانه



 
قديم [ كُتبت : 2009-01-25 - 12:33 PM ]   رقم المشاركة : 12

شاعر و مشرف سابق



رقم العضوية : 345
المشاركات : 2,800
شكراً : 0
تم شكره : 0 مرة في 0 مشاركة

شمال سدير غير متصل


رد: ديـوان الشـاعر ][ عبدالعزيز بن عبدالرحمن الصعب ][

..
..


قصيدة/ قالها عندما قال صاحب السمو الملكي الامير نايف(أن المواطن هو رجل الامن بالدرجه

الاولى)





انا نايف وكل الشعب نايف
وزير الداخليه نفتخر به



تعلا واعتلا فوق النوايف
كما حرن تعلا واشتهر به



يذود عن الوطن والكل شايف
وساد الامن من شرقه لغربه



وعاش الشعب في ضلّه ولايف
وحال المجتمع كلّه نضر به



صليب الراي ماجاء بالصدايف
فرض رايه بشي(ن)ما اختبر به



يسجلّه على بيض الصحايف
من الاحداث ماشي(ن)عثر به



ابمدح سيدي مانيب خايف
وبى امشي في طريقه واعتبر به



على الارهاب مسلول الرهايف
وقف دون الوطن واللي غدر به



يبون المملكه فيها طوايف
ونايف واقف(ن)من دون دربه



ومن نادى على رفع الهتايف
يبي يلقى جزاه اللي بدر به


ولايوخذ على المجرم حسايف
عسى كل القنابل تنفجر به



وفرّقهم وخلاّهم زلايف
وشتّت جمّعهم في كل ضربه



فعايل سيّدي ماهي طرايف
على ربه توكل وانتصر به



طبعت اسمك على قلبي يانايف
وحشى لله ماعيد النّضر به

 
قديم [ كُتبت : 2009-01-25 - 12:45 PM ]   رقم المشاركة : 13

شاعر و مشرف سابق



رقم العضوية : 345
المشاركات : 2,800
شكراً : 0
تم شكره : 0 مرة في 0 مشاركة

شمال سدير غير متصل


رد: ديـوان الشـاعر ][ عبدالعزيز بن عبدالرحمن الصعب ][

..
..

قصيدة الشاعر / عبدالعزيز بن عبدالرحمن الصعب في إبنـه بدر



يا(بدر) مهما غبت مانيب ناسيك
لكن مدري يابدر وش بلاني

همن يصاليني عسى مايصاليك
كم واحدن لاشاف حالي عزاني

من بد كل الناس اقدرك واغليك
ولاشوف مثلك بالبشر شخص ثاني

ان ضاق صدرك يا(بدر) جيت اراضيك
واحضنك من بين الضلوع المحاني

واليوم انا بعطيك علمن يصحيك
عشان من جور الزمن ماتعاني

ان كان تبغى الله من الشر ياقيك
صل الفروض الخمس وقت الاذاني

وعليك بامك راعها الله يراعيك
واذا عصيت امك تراك تعصاني

وطالبك روف بحالها لو تبكيك
الله يبدل سيتك بالحساني

وحافظ على( غاده) وخلها تواليك
وارفق عليها بكل عطف وحناني

ودربن تجيله مايحقق مساعيك
دربن مرده (يابدر) للطماني

ورجل(ن) يذلك جنبه لايماشيك
تلقاه في بعض المواقف جباني

وجود حزامك واحتزم في بناخيك
هم عزوتك لاضاق فيك الزماني

يا(بدر) ماتحتاج فيهم اوصيك
فيهم تحصل كل راحه واماني

والباب لاتصكه لمن جاك ناصيك
ابيك بكره تسدني في مكاني

ماقول غير الله يسدد خطاويك
والله يحقق لك جميع الاماني

وآمين جعله مايخيب الرجا فيك
يارب تقبل دعوتي وتهداني

 
قديم [ كُتبت : 2009-02-02 - 03:40 PM ]   رقم المشاركة : 14

شاعر و مشرف سابق



رقم العضوية : 345
المشاركات : 2,800
شكراً : 0
تم شكره : 0 مرة في 0 مشاركة

شمال سدير غير متصل


رد: ديـوان الشـاعر ][ عبدالعزيز بن عبدالرحمن الصعب ][

..
..

هذه القصيده إهداء من الشاعر / عبدالعزيز بن عبدالرحمن الصعب إلى الأستاذ الفاضل

أحمد بن سليمان الطيّـار



سلام يامن نون عيني نزلّها
منزالها منزال حرن قطامي


نهض بجنحانه عليها وفتلها
وجّه على بيشه وحلّق وحامي

اشرف على بيشه وشرّف اهلّها
ابو فهد نسل الرجال الكرامي

وإدارة التعليم تزهى بعملّها

من يوم وقّّع في سجل الدوامي


في حضرته( تو) ماتحقق املها
تلبس له وشاح الشرف والوسامي

وفضايله بالغاط محد(ن )جهلّها
عانق بتعليم البنات الغمامي

امانت(ن) ماغيره احدن حملّها
لقّى لها باله بجلّ اهتمامي

اللي تعلم به بعلمه عملّها
يصدر بياناته بعزم ونظامي


ومن بعدكم ياستاذ قرّب اجلّها
ونقّرا عليها من بعدك السلامي

مالت وطاح شدادها عن جملها

يامن يرد اشدادها والخطامي

وقام يتساوى ضلعها مع سهلّها

من رحت عنها يارفيع المقامي


الشك فيك انفوسنا مادخلّها
نلت الثّقه وموثقّه باحترامي

كل احتياجات المدارس فعلّها

حقّق مطالبها لها بالتمامي

ويبو فهد نفسي تزايد عللّها

بعد الخبر ماذقت طعم المنامي

رح للمحافظ بس كلمه وقلّها

يمكن تعود لدارنا بامر سامي

واقبل تحياتي بخالص جملّها

من واحد(ن)صلى لربه وصامي

 
قديم [ كُتبت : 2009-02-02 - 03:54 PM ]   رقم المشاركة : 15

شاعر و مشرف سابق



رقم العضوية : 345
المشاركات : 2,800
شكراً : 0
تم شكره : 0 مرة في 0 مشاركة

شمال سدير غير متصل


رد: ديـوان الشـاعر ][ عبدالعزيز بن عبدالرحمن الصعب ][

..
..


قصيـدة بـ عنوان ( يابدر أنا فكري له أيام سـارح )



يابدر انا فكري له ايام سارح
مابين مكه والمدينه غدابي


الوقت مخلابه على القلب جارح
جرح الهوى جدد عليه صوابي


ولا اقدر اصرح به ولا اقدر اصارح
شي(ن)قديم وصار لي في شبابي


حب الشرف ماهوب حب المسارح
يابدر حدّه مثل حد الحرابي

حتى ونا واقف على الدرس شارح
بس اتخيل صورته في كتابي


ونا من اسبابه صويب(ن)وطارح
بين الجدي وسهيل طيفه رقابي


مهد الذهب داره بذيك المطارح
لا هوب من خنذف ولامن شبابي

ادخل على الله كان صبت الجوارح
رماني بسحره وهو مادرابي

هذاك ضلع(صعيب)انا فيه سارح
ياجعل ربي فيه يجبر صوابي



ضلع ( صعيب ) يقع غرب مهد الذهب بالصعبيّه

 
قديم [ كُتبت : 2009-02-02 - 03:59 PM ]   رقم المشاركة : 16

شاعر و مشرف سابق



رقم العضوية : 345
المشاركات : 2,800
شكراً : 0
تم شكره : 0 مرة في 0 مشاركة

شمال سدير غير متصل


رد: ديـوان الشـاعر ][ عبدالعزيز بن عبدالرحمن الصعب ][

..
..

قصيده الشاعر / عبدالعزيز بن عبدالرحمن الصعب موجهه إلى / سمير بن أحمد الحمدان العضيدان




بديت باسم مكوّن الكون تكوين
الواحد المعبود رب العبادي

رب السموات السبع والاراضين
جل الاله اللي عليه اعتمادي

ومن بعد ذكره وين ياهاجسي وين
وين انت عن رمز العضادين غادي

ذاك اللذي قدره على الراس والعين
اللي غلاه بداخل القلب زادي

سلام يانسل الرجال المسمّين
ياللي ملكت قلوب ناسن بعادي

سمير من روس الشيوخ العضادين
اهل الكرم واهل السيوف الحدادي

نسل العوازم مخلفين الموازين
لا جا نهارن فيه قدح الزنادي


مثل العواصف في وجيه المعادين
عرام خشم اللي براسه عنادي

حرن مواكيره بروس الضلاعين
اللي مخاليبه تقص الثنادي

حييت ياذخر الشيوخ الكريمين
تستاهل الترحيب في كل مادي


ترحيبتن منها تفوح الرياحين
معطّره بالطيب مسك وزبادي


ياكثر( ما) فالملتقى لك محبين
شخصن مثل شخصك طموحه بعادي


والله ياقدرك مايثمن بتثمين
اقولها صادق من اقصى فؤادي


جيتك على قدر الرجال العزيزين
ومعزتك بين الحضر والبوادي

ولي كلمتن وضعتها بين (قوسين)
سمير هو(ملحي وشربي وزادي)

ياشاعرن مايختلف فيك شخصين
حتى مع الشعار دايم حيادي

وختامها صلو على مقوم الدين
اعداد ماذعذع نسيم البرادي





 
قديم [ كُتبت : 2009-02-02 - 05:15 PM ]   رقم المشاركة : 17

شاعر و مشرف سابق



رقم العضوية : 345
المشاركات : 2,800
شكراً : 0
تم شكره : 0 مرة في 0 مشاركة

شمال سدير غير متصل


رد: ديـوان الشـاعر ][ عبدالعزيز بن عبدالرحمن الصعب ][

..
..

هذي قصيده للشاعر / عبدالعزيز بن عبدالرحمن الصعب

بـ عنوان ( ياأبوثمانٍ ماوراها إلا الحلا والسكرا )




سلام يامن حبها بالقلب عيا لايروح
سلام صادق من صدوق وسلسبيل الكوثرا

ماقلتها الافيك يالمجمول يالترف المزوح
يبو ثمانن ماوراها الا الحلا والسكرا

عليك خدن مثل براق المزون اللي تلوح
صوبتني بالكاحل اللي مثل حد الابترا

ياطب جرحي والحواس الخمس من كل الجروح
حبك كما مركب غطس في بحر قلبي وابحرا

افديك انا بالروح دام انك معي دايم نصوح
وش قلت باللي مايبيع بحضرتك والا شرا

يامدمج الساقين جاوبني بشي من الوضوح
مادام حبك لاجين بين الحنايا ماسرا

ماتدري ان الحب ناره في معاليقي تفوح
والضاهر انك فاهمن قصدي وعارف واخبرا

لكن اشوفك تالي الايام يالصاحب شحوح
وياويل حال الغافل اللي عن مصيره مادرا

والله مالي ذنب واـــبكيفك تبيح السر بوح
وانا معك ياصاحبي باللي تشوفه ـأوترا

ياكثر ماشاهدت بالعالم مع العالم نزوح
والجاهليه ماعرفنا من كتب فيها وقرا

ماعاد لي حيله معك غير اتسلى بالمزوح
وراع الهوى يضرب يمين الدرب والا ايسرا

صدقني ان العشق للعشاق يالغالي ذبوح
والعشق مثل الخير لامنه ترزم وامطرا

ياداعج العينين ماعندك بها الدنيا طموح
يالعنبوا ذاك الطموح اللي يرجعنا ورا

 
قديم [ كُتبت : 2009-03-14 - 12:40 PM ]   رقم المشاركة : 18

مشرف سابق



رقم العضوية : 796
المشاركات : 1,841
شكراً : 0
تم شكره : 0 مرة في 0 مشاركة

الـــهـــواوي غير متصل


رد: ديـوان الشـاعر ][ عبدالعزيز بن عبدالرحمن الصعب ][

قصيدة الشاعر عبدالعزيز الصعب

لسلطان اليحيى وسلطان العضيدان بمناسبة وسام الشرف بمسابقة صوت المشاعر في ضيافة صورة


سلطان وسلطان العضيدان شعار
شـــعّار ما والله فيها كلامــي

نالوا وسام الشعر في نظم الاشعار
يستاهلون الطيب واعلى وسامي

شعّارنا الابطال وافين الاشبار
وردوا على حياض المثايل حيامي

وناخت لهم زين المثايل على الزار
وزانت لهم حلو البيوت الفطامي

شرد(ن)معانيها جديدات وصغار
من درّها تشفــ الكبود الهيامي

ولّكم سلامي ياطويلين الاعمار
وتقبلو مني جزيل احترامي

وياوجد روحي وجد من شاف الامرار
من واحدن يشبه ضبي العدامي

الصاحب اللي شب في مهجتي نار
هذاك مقصودي وغاية مرامي

تكفون جيبوا لي خبر زين الانضار
اللي من اسبابه هجرني منامي

ياليت منسوع الجدايل لنا جار
ان كان اقوم بواجبه باهتمامي

حتى ليا مريت اشوفه ونا مار
لو انتضره شهور والاعوامي

ابتعـــرض لجلها كلّ الاخطار
لو وقفوا النواب خلفي وامامي

تقطّعت عن سيّد البيض الاخبار
يامن يجيب اخبارها بالتمامي

ياالله يامنّشي هماليل الامطار
تجبر عزى من ذاق مرّ الغرامي

 
قديم [ كُتبت : 2009-03-14 - 12:42 PM ]   رقم المشاركة : 19

مشرف سابق



رقم العضوية : 796
المشاركات : 1,841
شكراً : 0
تم شكره : 0 مرة في 0 مشاركة

الـــهـــواوي غير متصل


رد: ديـوان الشـاعر ][ عبدالعزيز بن عبدالرحمن الصعب ][

قصيده مهداه للفاضل /طارق الحمدان العضيدان


سلام الله عليكم والكلام لطارق الحمدان
سلامن حلو حالي من حلى اللي في مناحيله

تقول استاذ وانت استاذ وانته شاعر الوجدان
ابوك مصخر القيفان قبلك في مواويله

وله كلمه ليا منه حضر في ساحة الميدان
تمخطر له بيوت الشعر من يمّه وتغضي له

وابوك اللي يدين الخصم بالماقف ولايدان
على خمس الاصابع يشهد الشاعر ويمضي له

والا ياكم شاعر منه حس بحالة النقصان
ليا عدّى حدوده قام يفتلّه ويطوي له

الا يالله طلبتك ياولي العرش يارحمان
عساه بجنة الفردوس له قدره وتجليله

ونا جيتك واقول الشعر له معنى وله ميزان
ماهي كلمت صديقن يوم مرّت قلت اعدي له

كتبت الشعر ياطارق ونا في ديرة المطران
ديار فوقهـــــــا جعل الحيـــا تبرق مخاييـــله

صغير السن مالي في لحون الشعر والاوزان
ليا شاهدت لي شاعر وقفت وقمت اغني له

وتحملت العنا والنقد من شاعر سليط لسان
يخليني اعيد القاف لين يزين تعديله

ولاهو عيب ياطارق ليا من هسّت القيفان
والا ياكم قافن فيه تدويره وتحويله

وهذا ما طرا في خاطري ياذيب ياسرحان
ولاتبخل مع الشعار عطني كل تحليله

 
قديم [ كُتبت : 2009-03-14 - 12:58 PM ]   رقم المشاركة : 20

مشرف سابق



رقم العضوية : 796
المشاركات : 1,841
شكراً : 0
تم شكره : 0 مرة في 0 مشاركة

الـــهـــواوي غير متصل


رد: ديـوان الشـاعر ][ عبدالعزيز بن عبدالرحمن الصعب ][



قصيده الشاعر / عبدالعزيز بن عبدالرحمن الصعب موجهه إلى / سمير بن أحمد الحمدان العضيدان



يامرحبا باللي نظم عقد الالماس
ابيات من صافي ضميره تقاسي

هذا الشعر والا بلياه ياناس

نبيه مثل طويق ثابت وراسي

(قاف القصيد) اليوم جانا على ساس

يكون في صوت المشاعر حماسي

ماودّه ان الشعر بالحيل ينداس

عساه في نقد الشعاعير قاسي

وعســــاه نوّن بارقه يقبس اقبــــاس

يروي محاديـــــب الجريد اليباسي

ويستر بيوت الشعر في زين الالباس

حتى ولا يرضى عليها المساسي

على بحور الشعر ماهر وغطاس
جاله على بحور القصايد مراسي

كم شاعرن ياخوك بالشعر هلاس

الا نشدته قال مــــدري وناســــي

وكم شاعرن في مايقولون حساس

هذاك من يطرب جميع الحواسي

ياللي نظمت القاف من عقد الالماس
سمير وانته فوق عينــــي وراســـي

 
 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
تغطية زيارة امير منطقة الرياض صاحب السمو الملكي الامير خالد بن بندر بن عبدالعزيز أيمن العامر ملتقى الغاط 3 2013-05-06 01:45 PM
مجلس الشورى وصوت الشعب just a person إثراء الفكر للحوار الهادف 4 2013-04-09 06:51 AM
تقديم دفعة قروض جديدة من الصندوق العقاري أخبار الصحافة أخبار أهالي الغاط 3 2012-09-17 12:27 AM
صورة نادرة لـ ( آل سعود ) ..! محمد الحصين حول العالم 0 2012-07-25 10:51 PM


الساعة الآن 12:45 PM.

ملتقى الغاط

↑ Grab this Headline Animator

خــريــطــة: الــمــوقــع



جميع وجهات النظر المطروحة في ملتقى الغاط لا تمثل الا اصحابها